அட்சயப்பாத்திரம்

 

அட்சயப்பாத்திரம்

·        இறைவனின் படைப்பு இயற்கை 
இயற்கையின் அற்புதம் ஐம்பூதங்கள்
ஐம்பூதங்களுள்ளும் ஒப்பந்தமில்லா ஒத்திசைவு – இரகசியம்
ஒத்திசைவில் பிளவு - பேரிடர் 
பேரிடர் போதனையோ - ஒத்திசைவு  அவசியம் 
·         அவனுள் சக்தியும் 
சக்தியுள் அவனும் - அடக்கம் 
சிவ சக்தியாய் ... அர்த்தநாரியாய்... 
ஆணும் பெண்ணும் 
இறைவன் படைப்பு.
·         சிவனின்றி சக்திக்கு சக்தி இல்லை;
சக்தியின்றி சிவனுக்கு சக்தி இல்லை.
ஒருத்திக்கு ஒருவனாய்...
ஒருவனுக்கு ஒருத்தியாய்…
கணவன்-மனைவி இருவரும்
ஒப்பார் மிக்கார் என்ற பேதமின்றி
கற்பினைக் காத்திட ...
 சிவசக்தியாய் ஒத்திசைவோடு
 ஒத்து இசைத்திடின் ஏராளம் அற்புதங்கள் ...
· அன்பு
ஆதரவு
இன்பம்
ஈகை
உற்சாகம்
ஊக்கம்
எளிமை
ஏற்றம்
ஐக்கியம்
ஒற்றுமை
ஓருணர்வு
ஔடதம்
இவையாவும் வசப்படும்
நல்லதொரு இல்லறவாழ்வால்...
ஆம்!
·         நல்லதொரு குடும்பம்…
நல்லதொரு கலாச்சாரம்...
 நல்லதொரு பாரம்பரியம் ...
கூட்டுறவால் வளம்பெறும் பாரதம்...
பாரதத்தின் அச்சாணி குடும்ப நல்லுறவுகள்…
ஆம்!
·         அன்பான குடும்பம்
 பந்தம் – பாசமெனும்
ஆருயிர்க்கான உயிர் உறவுக்காற்றைச்
சுரக்கும் அட்சயப் பாத்திரம் 
இளைய தலைமுறையினரை நன்நெறிப்படுத்திடும்…
ஜீவஊற்று…
·         அட்சயப்பாத்திரம் சுரக்கும் வரை 
பாரதத்தின் பழம்பெருமை 
தொட்டுத் தொடரும் ...
பாரதத்தின் உன்னதம் 
பாரம்பரியமாய் செழித்தோங்குவது திண்ணம்.
 

                      ````````````````````